• Sree Narayana Guru Cultural Complex

വാമോസ് - കുടുംബശ്രീ ജില്ലാ തല അലുമ്നി മീറ്റ് നടത്തി.

കുടുംബശ്രീ വഴി നടപ്പിലാക്കുന്ന നൈപുണ്യ വികസന പദ്ധതിയായ ഡി ഡി യു ജി കെ വൈ യുടെ മൂന്നാമത് വാമോസ് അലുമ്നി മീറ്റ് ജില്ലയിൽ 2024 നവംബർ 23ന് ശ്രീ നാരായണ ഗുരു സാംസ്കാരിക സമുച്ചയത്തിൽ വെച്ച് സംഘടിപ്പിച്ചു.

കൊല്ലം കുടുംബശ്രീ ജില്ലാ മിഷൻ കോ ഓർഡിനേറ്റർ വിമൽ ചന്ദ്രൻ ആർ സ്വാഗതപ്രസംഗം നടത്തി. ബഹു: കൊല്ലം MLA എം മുകേഷ് അധ്യക്ഷത വഹിച്ച പരിപാടിയുടെ ഉദ്ഘാടനം ബഹു: മൃഗസംരക്ഷണ - ക്ഷീര വികസന മന്ത്രി ജെ ചിഞ്ചുറാണി നിർവഹിച്ചു. കുടുംബശ്രീയെ ആത്മവിശ്വാസത്തിൻ്റെ പര്യായമായി പ്രകീർത്തിച്ചു ബഹു MLA മുകേഷ്.കുടുംബശ്രീയുടെ നൂതന മാതൃകകൾ സൃഷ്ടിക്കുന്ന പ്രവർത്തനം അഭിനന്ദനീയമാണെന്ന് ഉദ്ഘാടനപ്രസംഗത്തിൽ മന്ത്രി പറഞ്ഞു. മുഖ്യപ്രഭാഷണം കൊല്ലം ജില്ലാ പഞ്ചായത്ത് പ്രസിഡൻ്റ് ഡോ പി കെ ഗോപൻ നടത്തി. അലുമ്നി മീറ്റിൽ എത്തിച്ചേർന്ന പൂർവ്വ വിദ്യാർത്ഥികളെ അഭിസംബോധന ചെയ്ത് കൊല്ലം ജില്ലാ കളക്ടർ എൻ ദേവിദാസ് IAS സംരഭമേഖലയുടെ സാധ്യതകളെകുറിച്ച് വിശദീകരിച്ചു. കുടുംബശ്രീ സംസ്ഥാന മിഷൻ ഡി ഡി യു ജി കെ വൈ പ്രോഗ്രാം മാനേജർ ലൂമിന പദ്ധതി വിശദീകരണം നടത്തി. തുടർന്ന് 2023-24 സാമ്പത്തിക വർഷത്തിൽ ഡി ഡി യു ജി കെ വൈ യിൽ മികച്ച ബ്ലോക്ക്, സി ഡി എസ്, പരിശീലന സ്ഥാപനം,കമ്മ്യൂണിറ്റി റിസോഴ്സ് പേഴ്സൺ, കമ്മ്യൂണിറ്റി അംബാസഡർ, MGNREGS തുടങ്ങിയ വിഭാഗങ്ങൾക്ക് അവാർഡ് വിതരണം നടത്തുകയും ചെയ്തു.

ശാസ്താംകോട്ട ബ്ലോക്കിനാണ് ഏറ്റവും മികച്ച ബ്ലോക്കിനുള്ള അവാർഡ് ലഭിച്ചത്.മികച്ച പരിശീലന സ്ഥാപനതിനുള്ള അവാർഡ് ഒറിയോണിനു ലഭിച്ചു.കൂടാതെ ഉദ്യോഗാർഥികൾ വിവിധ കലാപരിപാടികൾ സദസ്സിനായി കാഴ്ചവെച്ചു. സംഗീതജ്ഞനായ ബാല പ്രസാദിൻ്റെ വയലിൻ ഫ്യൂഷൻ ആലാപനം സദസ്സിനെ ആഘോഷനിറവിലാക്കി.

പരിപാടിയോടനുബന്ധിച്ച് ഡി ഡി യു ജി കെ വൈ, സ്നേഹിത, മാർക്കറ്റിംഗ്, മൈക്രോ എൻ്റർപ്രൈസ് എന്നിവയുടെ സ്റ്റാളുകളും പ്രദർശനവിപണനത്തിനായി സജ്ജികരിച്ചു. അസി: ജില്ലാ മിഷൻ കോ ഓർഡിനേറ്റർമാരായ അനീസ എ, ഉന്മേഷ് ബി, മുഹമ്മദ് ഹാരിസ്, ആർ രതീഷ് കുമാർ, ഡി ഡി യു ജി കെ വൈ യുടെ ജില്ലാ പ്രോഗ്രാം മാനേജർ അരുൺരാജ് ഡി എസ്, സി ഡി എസ് ചെയർപേഴ്‌സന്മാരായ സിന്ധു വിജയൻ, അനിത ദാസ് എന്നിവരും പ്രസ്തുത പരിപാടിയിൽ പങ്കെടുത്തു.

• CITU Hall, Kollam

അക്കൗണ്ടിങ് & ഓഡിറ്റിംഗ് ഏകദിന ശിൽപശാല

ജില്ലയിലെ എല്ലാ സിഡിഎസ്സുകളിലെയും അക്കൗണ്ടന്റുമാർക്കും, കാസ്സ് അംഗങ്ങൾക്കും ഓഡിറ്റ്, അക്കൗണ്ടിങ് എന്നി വിഷയങ്ങൾ സംബന്ധിച്ച് 2024 നവംബർ 22 നു കൊല്ലം സി ഐ ടി യു ഹാളിൽ വെച്ച് ഏകദിന ശില്പശാല സംഘടിപ്പിച്ചു.

കുടുംബശ്രീ അക്കൗണ്ടിങ്, ഓഡിറ്റിംഗ് സംബന്ധിച്ച് ഏകീകൃതവും ക്രമവുമായ നടപടി ക്രമങ്ങൾ പാലിക്കേണ്ടതിന്റ ആവശ്യകത, സിഡിഎസ്സിന്റെ സാമ്പത്തിക ഇടപാടുകൾ കൃത്യമായും സുതാര്യമായും നടപ്പിലാക്കുക എന്നീ ആശയങ്ങൾ മുൻനിർത്തിയാണ് ശില്പശാല സംഘടിപ്പിച്ചത്.

ഈ പരിശീലനത്തിൽ ജില്ലാ മിഷൻ കോർഡിനേറ്റർ ശ്രീ. ആർ വിമൽചന്ദ്രൻ അധ്യക്ഷത വഹിച്ചു. അസിസ്റ്റന്റ് ജില്ലാ മിഷൻ കോർഡിനേറ്റർ ശ്രീ. ആർ രതീഷ് കുമാർ സ്വാഗതം ആശംസിച്ചു. പരിശീലന യോഗം കേരള കശുവണ്ടി വികസന കോർപറേഷൻ ചെയർമാൻ ശ്രീ. എസ്സ് ജയമോഹൻ ഉദ്ഘാടനം ചെയ്തു. ശ്രീ. ശശി ജോഷ് ( ഓഡിറ്റ് ഓഫീസർ, കൊല്ലം ) ക്ലാസുകൾ നയിച്ചു. യോഗത്തിന് ഡിപിഎം ജെൻസി ജോൺ കൃതജ്ഞത രേഖപെടുത്തി.

• Perungalam, Munroethuruth

ഹാപ്പി കേരളം സി ഡി എസ്സ് തല ആർ പി പരിശീലനം പൂർത്തിയായി.

കേരളത്തിൻ്റെ സന്തോഷ സൂചിക കൂട്ടുന്നതിനായുള്ള ഹാപ്പി കേരളം പദ്ധതിയുടെ ഭാഗമായ ഹാപ്പിനസ് സെൻ്ററുകൾ രൂപികരിക്കുന്നതിനുള്ള ജില്ലാ തല ത്രിദിന പരിശീലനം രണ്ടു ബാച്ചുകളായി ജില്ലയിൽ പൂർത്തിയായി. 2024 നവംബർ 11, 12,13 തീയതികളിലായി ആദ്യ ബാച്ച് പരിശീലനവും 19,20,21 തീയതികളിലായി രണ്ടാമത്തെ ബാച്ച് പരിശീലനവും സംഘടിപ്പിച്ചു.

കൊല്ലം ജില്ലാ മിഷൻ കോ ഓഡിനേറ്റർ വിമൽ ചന്ദ്രൻ ആർ ഉദ്ഘാടനം നടത്തി. അസിസ്റ്റൻ്റ് ജില്ലാ മിഷൻ കോ ഓർഡിനേറ്റ്റർ രതീഷ് ആർ അധ്യക്ഷത വഹിച്ചു. ജെൻഡർ, F N H W ജില്ലാ പ്രോഗ്രാം മാനേജർ ബീന ആർ സ്വാഗതം പറഞ്ഞു. സംസ്ഥാന റിസോഴ്‌സ് പേഴ്സൺമാരായ ഗോപകുമാർ, ജയശ്രീ എന്നിവർ സംസാരിച്ചു. സംസ്ഥാനതല പരിശീലനം ലഭിച്ച 10 റിസോഴ്സ് പേഴ്സൺമാർ പരിശീലനത്തിന് നേതൃത്വം നൽകി. കുളക്കട, പോരുവഴി, കടക്കൽ, ചാത്തന്നൂർ,ചവറ, പൂയപ്പള്ളി, ഓച്ചിറ, പിറവന്തൂർ, അഞ്ചൽ, തൃക്കരുവ,മയ്യനാട് എന്നീ മോഡൽ സിഡിഎസ്സുകളിൽ നിന്നും വിവിധ വിഷയങ്ങളിൽ പ്രഗത്ഭരായവർ ജില്ലാതല പരിശീലനത്തിൽ പങ്കാളികളായി. സൈക്കോളജി, ന്യൂട്രിഷൻ, സോഷ്യൽ വർക്ക്‌, എന്നീ മേഖലകളിൽ വിദഗ്ധരും റിട്ടേഡ് അധ്യാപകരും FNHW ആർപി മാർ, കമ്മ്യൂണിറ്റി കൗൺസിലർമാർ, ബിരുദധാരികൾ, ബ്ലോക്ക്‌ കോർഡിനേറ്റർ ഉൾപ്പെടെയുള്ള 10 പേരാണ് ഓരോ സി ഡി എസ്സിൽ നിന്നും പങ്കെടുത്തത്.

ഹാപ്പിനസ് സെൻ്ററുകൾ രൂപികരിക്കുന്നത്തിനുള്ള PERMA മോഡൽ അടിസ്ഥാനത്തിൽ കേരളത്തിന് അനുസൃതമായി പരിഷ്ക്കരിച്ച PROSPERITY മോഡലില്ലാണ് ഹാപ്പിനസ് സെൻ്ററുകൾ ആയ 'ഇട'ങ്ങൾ പ്രവർത്തിക്കുന്നത്

ഓരോ വാർഡിലും 20 മുതൽ 30 കുടുംബങ്ങൾ ഉൾപ്പെടുന്ന ഇടങ്ങളിലാണ് ഹാപ്പി കേരളം പദ്ധതിയുടെ പ്രവർത്തനങ്ങൾ പ്രധാനമായും നടക്കുന്നത്. ഓരോ വ്യക്തിയുടെയും പ്രശ്നങ്ങൾ, നിലവിലുള്ള സാധ്യതകൾ, കണ്ടെത്തിയ പ്രശ്നങ്ങളുടെ പരിഹാരമാർഗങ്ങൾ ഉൾപ്പെടുന്ന , പ്രവർത്തന പ്ലാൻ തയ്യാറാക്കൽ എന്നിവയിലൂടെ ഓരോ കുടുംബത്തിന്റെയും സന്തോഷ സൂചിക ഉയർത്തുകയും അതിലൂടെ സന്തോഷ കേരളം സൃഷ്ടിക്കുകയും ചെയ്യുക എന്നതാണ് പദ്ധതിയുടെ ലക്ഷ്യം.

വാർഡുകളിൽ ഇടങ്ങൾ സൃഷ്ടിച്ചു കൊണ്ട് റിസോഴ്‌സ്പേർസൺമാരുടെ പിന്തുണയോടെ ഓരോ ഇടങ്ങളിലും നടത്തേണ്ട പ്രവർത്തനങ്ങൾ കൃത്യമായി പ്ലാൻ ചെയ്‌തു കൊണ്ടു മുന്നോട്ടു പോകും. ഇതിനായി ഇടങ്ങളിൽ നിന്നുള്ള കുടുംബങ്ങളുടെ പങ്കാളിത്തത്തോടെ ഒരു മാതൃക ഇടത്തിന്റെ പ്രവർത്തനങ്ങൾ പ്ലാൻ ചെയ്യുവാൻ കഴിഞ്ഞു. പരിശീലനത്തിൽ പങ്കെടുത്തവരുടെ അനുഭങ്ങൾ വേറിട്ടതായിരുന്നു. ജീവിതത്തിൽ ആദ്യമായി കിട്ടിയ സ്വീകരണം ജീവിതത്തിലെ ഏറ്റവും വലിയ സന്തോഷ നിമിഷമായി കാണുന്നു എന്നതും കുടുംബാംഗങ്ങൾ ഒരുമിച്ച് ഭക്ഷണം കഴിക്കാൻ തീരുമാനം എടുക്കാൻ തീരുമാനിച്ചു എന്ന ദൃഡ നിശ്ചയം എടുത്തതും, ഇടങ്ങൾ പ്രതീക്ഷക്ക് ഒപ്പം ഉയർന്നാൽ കുടംബങ്ങളിലെ പ്രശ്നങ്ങൾ കുറയുകയും സന്തോഷം കുടുംബങ്ങളിൽ ഉണ്ടാകും എന്നുള്ള വിലയിരുത്തലുകൾ ഈ പദ്ധതിയുടെ പ്രതീക്ഷക്ക് ആക്കം കൂട്ടുന്നുണ്ട്.

ജില്ലയിലെ 11 മോഡൽ സി ഡി എസ്സുകളിൽ ഒന്നാം ഘട്ടം പ്രവർത്തനങ്ങൾ നടക്കും. ' ഇടം ' രൂപീകരിക്കുന്നതിന്

ആദ്യ രണ്ടുദിനങ്ങളിലായി നേടിയ പരിശീലനാനുഭവത്തിൽ സമയബന്ധിതമായും കൃത്യമായ ആസൂത്രണത്തോടെയും റിസോഴ്സ് പേഴ്സൺമാർ ക്ലാസ് എടുക്കുകയും സന്തോഷത്തിന് വിഘടമായി നിൽക്കുന്ന കാരണങ്ങൾ, സന്തോഷസൂചിക, സന്തോഷം ലഭിക്കുന്നതിനുള്ള സാധ്യതകൾ, പദ്ധതി നടപ്പാക്കേണ്ടതിനുള്ള മൈക്രോ പ്ലാൻ എന്നിവയെ കുറിച്ച് വിശദീകരണവും നടത്തി. ജെൻഡർ എഫ് എൻ എച്ച് ഡബ്ല്യു, SISD സംസ്ഥാന പ്രോഗ്രാം ഓഫീസർ ഡോ.ശ്രീജിത്ത് ഹാപ്പി കേരളം പദ്ധതിയെക്കുറിച്ച് വിശദീകരിക്കുകയും ടി പദ്ധതിയിലൂടെ കേരളം ഒരു മാതൃക സംസ്ഥാനമാകുന്നതിൽ ആശംസിക്കുകയും ചെയ്തു. സംസ്ഥാന അസിസ്റ്റൻറ് പ്രോഗ്രാം മാനേജർ കൃഷ്ണകുമാരി, ഓ എസ് എസ് അർജുൻ പ്രതാപ്,ജെൻഡർ എഫ് എൻ എച്ച് ഡബ്ല്യു ബീന ആർ സംസാരിച്ചു. ജില്ലാ റിസോഴ്സ് പേഴ്സൺ ജയശ്രീ, ഗോപകുമാർ, ചെയർപേഴ്സന്മാരായ ലൈല, ബിനി, ബി സി മാരായ അനു, ദേവി എന്നിവർ സംസാരിച്ചു. അറിയിച്ചു. സംസ്ഥാന റിസോഴ്സ് പേഴ്സൺ ബൈജു പരിപാടി വിലയിരുത്തി അഭിനന്ദനങ്ങളും നിർദ്ദേശങ്ങളും നൽകി.

• NGOU Hall, Kollam

കുടുംബശ്രീയുടെ നേതൃത്വത്തിൽ KSmart IT പരിശീലനം നടത്തി

കുടുംബശ്രീ കൊല്ലം ജില്ലാ മിഷൻ്റെ നേതൃത്വത്തിൽ കുടുംബശ്രീ IT യൂണിറ്റുകൾക്ക് KSmart ആപ്ലിക്കേഷൻ, സിറ്റിസൺ സർവീസ് പോർട്ടൽ തുടങ്ങിയവ വിനിയോഗിക്കുന്നതിനുള്ള പരിശീലനം കൊല്ലം എൻ ജി ഒ യൂണിയൻ ഹാളിൽ വെച്ച് സംഘടിപ്പിച്ചു.

ഐ കെ എം (ഇൻഫോർമേഷൻ കേരള മിഷൻ) ട്രെയ്നർമാരായ ശ്രീ രാജഗോപാലൻ, ശ്രീ സുനിൽ രാജ് എന്നിവരാണ് പരിശീലനത്തിന് നേതൃത്വം നൽകിയത്.

വസ്തു നികുതി, ബിൽഡിംഗ് ടാക്സ്, ജനന മരണ സർട്ടിഫിക്കറ്റുകൾ, മാര്യേജ് സർട്ടിഫിക്കറ്റ് എന്നിവയുടെ രജിസ്ട്രേഷൻ, ക്വിക്ക് ഡിമാൻഡ് പേ, ഫയൽ ട്രാക്കിംഗ്, ടാക്സ് അസസ്‌മെൻ്റ് , ബിൽഡിംഗ് സെസ് അസസ്‌മെൻറ് തുടങ്ങിയ കാര്യങ്ങളെക്കുറിച്ചും വിശദമായി ക്ലാസെടുത്തു. കൂടാതെ വെബ്‌സൈറ്റ് എങ്ങനെ കൃത്യമായി കൈകാര്യം ചെയ്യാം, കുടുംബശ്രീയുടെ പരിമിതികളുടെ കീഴിൽ വരുന്നതെന്താണ്, എന്തൊക്കെ വിശദാംശങ്ങൾ ശ്രദ്ധയോടെ അപ്‌ലോഡ് ചെയ്യണം എന്നിവയെ പറ്റിയും വിശദീകരിച്ചു.

പരിശീലനത്തിന് 41 സംരംഭകർ ഉൾപടെ 58 പേർ പങ്കെടുത്തു. ജില്ലാ മിഷൻ പ്രോഗ്രാം മാനേജർ ശ്രീ വിഷ്ണു പ്രസാദ് നന്ദി രേഖപ്പെടുത്തി പരിശീലന പരിപാടിക്ക് അവസാനമിട്ടു. ബ്ലോക്ക് കോർഡിനേറ്റർമാരായ ശ്രീമതി പ്രീനു, ശ്രീമതി ശ്യാമ എന്നിവരും പങ്കെടുത്തു.

"K-SMART" (കേരള സൊല്യൂഷൻസ് ഫോർ മാനേജിംഗ് അഡ്മിനിസ്ട്രേറ്റീവ് റിഫോർമേഷൻ ആൻഡ് ട്രാൻസ്ഫോർമേഷൻ) പ്രോജക്റ്റ്, ഒരു വ്യക്തിക്ക് , ജനനം മുതൽ മരണം വരെ, പരമാവധി സേവനങ്ങൾ ഓൺലൈൻ പ്ലാറ്റ്‌ഫോം വഴി നൽകുന്നതിന് രൂപകൽപ്പന ചെയ്തിട്ടുള്ളതാണ്. തദ്ദേശ സ്വയംഭരണ സ്ഥാപനങ്ങളുടെ പ്രവർത്തനങ്ങളിലുടനീളം കാര്യക്ഷമതയും സുതാര്യതയും വർദ്ധിപ്പിക്കുന്നതിനാണ് ഇത് ലക്ഷ്യമിടുന്നത്.

തദ്ദേശ സ്വയംഭരണ വകുപ്പിനായുള്ള ഇൻഫർമേഷൻ കേരള മിഷനാണ് ആപ്ലിക്കേഷൻ വികസിപ്പിച്ചിരിക്കുന്നത്.

• Mukhaththala Block Panchayath

|കുടുംബശ്രീ -കെ ഫോർ കെയർ|

കെ ഫോർ കെയർ കൊല്ലം ജില്ലയിലെ രണ്ടാമത്തെ ബാച്ച് പരിശീലനം പൂർത്തീകരിച്ച കുടുംബശ്രീ വനിതകൾക്ക് സർട്ടിഫിക്കറ്റ് & യൂണിഫോം വിതരണം കുടുംബശ്രീ ജില്ലാ മിഷൻ കോർഡിനേറ്റർ ശ്രീ. വിമൽ ചന്ദ്രൻ 16/11/24 മുഖത്തല ബ്ലോക്ക്‌ പഞ്ചായത്ത്‌ വേർച്ചുവൽ ക്ലാസ്സ്‌ റൂമിൽ നടത്തി. മുതിർന്നവർ, ഗർഭിണികൾ, കുട്ടികൾ എന്നിവർക്ക് പരിചരണം നൽകുന്നവരാണ് കെ ഫോർ കെയർ എക്സിക്യൂട്ടീവ്. ജില്ലയിൽ രണ്ട് ബാച്ചുകളിലായ് വിജയകരമായി പരിശീലനം പൂർത്തീകരിച്ച 54 പേരാണ്. അതിൽ 40 കുടുംബശ്രീ വനിതകൾക്ക് ഉപജീവനം മാർഗ്ഗം ലഭ്യമാക്കാൻ സാധിച്ചിട്ടുണ്ട്. കുടുംബശ്രീ സംസ്ഥാന മിഷൻ നിയോഗിച്ച HLFPPT എന്ന ഏജൻസി മുഖാന്തിരമാണ് പരിശീലനം നൽകിയത്. ഡി പി എം ശ്രീ വിഷ്ണു, NFL BC മാർ, ഏജൻസി പ്രതിനിധികൾ എന്നിവർ ചടങ്ങിൽ പങ്കെടുത്തു.

• ATMA Hall, Collectorate, Kollam

ബാലസഭ -ബാലപാർലമെന്റ് ജില്ലാതല ആർ പി പരിശീലനം സംഘടിപ്പിച്ചു.

പാർലമെന്ററി സംവിധാനവും പ്രവർത്തനങ്ങളും കുട്ടികളെ ബോധ്യപ്പെടുത്തുന്നതിനും കുട്ടികളുടെ പ്രശ്നങ്ങളും ആവശ്യങ്ങളും അവകാശ സംരക്ഷണവും ഭരണാധികാരികളുടെ ശ്രദ്ധയിൽ കൊണ്ടുവരുന്നതിനുമായി കുടുംബശ്രീ മിഷന്റെ നേതൃത്വത്തിൽ ബാലസഭ അംഗങ്ങൾക്ക് വേണ്ടി നടത്തുന്ന പ്രവർത്തനമാണ് ബാലപാർലമെന്റ്.

15/11/2024 ന് ബാലപഞ്ചായത്ത് / നഗരസഭ രൂപീകരണവുമായി ബന്ധപ്പെട്ട് ബാലസഭ ആർ. പി. മാർക്ക് ജില്ലാ ആർ. പി മാർ ആയിട്ടുള്ള ശ്രീമതി. ഷീനബീവി, ശ്രീ.അരുൺ കൃഷ്ണൻ എന്നിവർ പരിശീലനം നൽകി. കൊല്ലം അസി ജില്ലാ മിഷൻ കോ ഓർഡിനേറ്റർ ശ്രീമതി അനീസ എ അധ്യക്ഷത വഹിച്ചു.

വാർഡ് തലത്തിൽ രൂപീകരിക്കുന്ന ബാലസഭയിലെ പ്രസിഡന്റ്, സെക്രട്ടറി എന്നിവർ ആണ് ബാലസമിതി അംഗങ്ങൾ. ഇവരിൽ നിന്ന് തിരഞ്ഞെടുക്കുന്ന പ്രസിഡന്റ്‌, സെക്രട്ടറി എന്നിവരെ ആണ് ബാലപഞ്ചായത്തിലേക്ക് കൊണ്ടു പോകുന്നത്.

പ്രസിഡന്റ്‌, സെക്രട്ടറി, വൈസ് പ്രസിഡൻ്റ് , 5 സ്റ്റാൻഡിങ് കമ്മിറ്റികളായ ആരോഗ്യം, വിദ്യാഭ്യാസം, കലാസാസ്‌കാരികം, കായികം , അവകാശ സംരക്ഷണം എന്നീവ അടങ്ങുന്നതാണ് ബാലപഞ്ചായത്ത്/ നഗരസഭ.

ഭാരവാഹികളിൽ 15 വയസ്സിന് മുകളിൽ 2 പേരിൽ അധികമാകാൻ പാടില്ല.

പ്രസിഡൻ്റ് അഥവാ സെക്രട്ടറി സ്ഥാനം ഉൾപ്പടെ ബാലപഞ്ചായത്തിന്റെ 7 പേരിൽ 4 പേര് പെൺകുട്ടികൾ ആയിരിക്കണം.

സംസ്ഥാന ബാലപാർലമെന്റ് ഡിസംബർ 28, 29,30 തീയതികളിലും ജില്ലാ ബാല പാർലമെന്റ് നവംബർ അവസാനത്തോടെയും സംഘടിപ്പിക്കും.

• Munroethuruth

കുടുംബശ്രീ സംസ്ഥാന ബൈലോ പരിഷ്ക്കരണ ശിൽപശാല

രണ്ടാം ദിനം

കുടുംബശ്രീ സംസ്ഥാന മിഷൻ്റെ നേതൃത്വത്തിൽ നടത്തുന്ന കുടുംബശ്രീ ബൈലോ പരിഷ്‌ക്കരണ ശിൽപശാല നവംബർ 14, 15 തീയതികളിലായി മൺട്രോത്തുരുത്ത് ബെൽ ഫാം റിസോർട്ടിൽ വച്ച് സംഘടിപ്പിച്ചു . ആദ്യ ദിന ഗ്രൂപ്പ് ചർച്ചകൾക്ക് ശേഷം രണ്ടാം ദിനം ശിൽപശാലയിൽ പങ്കെടുത്ത കുടുംബശ്രീ മിഷൻ്റെ സംസ്ഥാന ജില്ലാ തലങ്ങളിലെ പ്രതിനിധികൾ ബൈ ലോയിൽ കൂട്ടിച്ചേർക്കേണ്ട തിരുത്തലുകളെക്കുറിച്ച് IBCB സംസ്ഥാന പ്രോഗ്രാം ഓഫീസർ ശ്രീ.ശ്യാം കുമാറിൻ്റെ നേതൃത്വത്തിൽ ചർച്ച നടത്തി.സംസ്ഥാന DDU GKY ചീഫ് ഓപ്പറേറ്റിംഗ് ഓഫീസർ പ്രദീപ് കുമാർ, സംസ്ഥാന NRLM ചീഫ് ഓപ്പറേറ്റിംഗ് ഓഫീസർ നവീൻ സി, അട്ടപ്പാടി സ്പെഷ്യൽ പ്രോജക്ട് അസി: പ്രോജക്ട് മാനേജർ ബി എസ് മനോജ്, , കൊല്ലം ജില്ലാ മിഷൻ കോ ഓർഡിനേറ്റർ വിമൽ ചന്ദ്രൻ,IBCB NRLM സംസ്ഥാന പ്രോഗ്രാം മാനേജർ നിഷാദ് തുടങ്ങിയവർ പങ്കെടുത്തു

• Munroethuruth

•°കുടുംബശ്രീ സംസ്ഥാന ബൈലോ പരിഷ്ക്കരണ ശിൽപശാല°•

കുടുംബശ്രീ സംസ്ഥാന മിഷൻ്റെ നേതൃത്വത്തിൽ നടത്തുന്ന കുടുംബശ്രീ ബൈലോ പരിഷ്‌ക്കരണ ശിൽപശാല നവംബർ 14, 15 തീയതികളിലായി മൺട്രോത്തുരുത്ത് ബെൽ ഫാം റിസോർട്ടിൽ വച്ച് സംഘടിപ്പിക്കുന്നു. ആദ്യ ദിനമായ ഇന്ന് സംസ്ഥാന മിഷൻ പ്രതിനിധികളും വിവിധ സംസ്ഥാനങ്ങളിൽ നിന്നുള്ള കുടുംബശ്രീ മിഷൻ്റെ പ്രതിനിധികളും സമ്മേളിച്ചു. കൊല്ലം അസി: ജില്ലാ മിഷൻ കോ ഓർഡിനേറ്റർ രതീഷ് കുമാർ ആർ സ്വാഗതം പറഞ്ഞ ശേഷം പരിപാടിയുടെ ഉദ്ഘാടനം എറണാകുളം ജില്ല മിഷൻ കോ ഓർഡിനേറ്റർ റജീന ടി എം നിർവഹിച്ചു. കോഴിക്കോട് ജില്ലാ മിഷൻ കോ ഓർഡിനേറ്റർ കവിത, സംസ്ഥാന NULM PMAY പ്രോഗ്രാം ഓഫീസർ മേഘ മേരി കോശി, സംസ്ഥാന DDU GKY ചീഫ് ഓപ്പറേറ്റിംഗ് ഓഫീസർ പ്രദീപ് കുമാർ, സംസ്ഥാന NRLM ചീഫ് ഓപ്പറേറ്റിംഗ് ഓഫീസർ നവീൻ സി, അട്ടപ്പാടി സ്പെഷ്യൽ പ്രോജക്ട് അസിസ്റ്റൻ്റ് പ്രോജക്ട് ഓഫീസർ ബി എസ് മനോജ്, ഓർഗനൈസേഷൻ & മൈക്രോ ഫിനാൻസ്,  സംസ്ഥാന അസി: പ്രോഗ്രാം മാനേജർ മാത്യു ചാക്കോ എന്നിവരും സന്നിഹിതരായിരുന്നു. IBCB സംസ്ഥാന പ്രോഗ്രാം മാനേജർ നിഷാദ് സി സി ബൈലോ പരിഷ്‌ക്കരണത്തെ കുറിച്ച് വിശദീകരണം നൽകി 5 ഗ്രൂപ്പുകളായി തിരിഞ്ഞ് ചർച്ച ചെയ്യാൻ നിർദേശിച്ചു. ശേഷം എല്ലാവരും സമ്മേളിക്കുകയും IBCB സംസ്ഥാന പ്രോഗ്രാം ഓഫീസർ ശ്യാം കുമാർ കെ യു യുടെ നേതൃത്വത്തിൽ ബൈ ലോയിൽ വരുത്തേണ്ട മാറ്റങ്ങളെക്കുറിച്ച് കൂട്ടമായി ചർച്ച ചെയ്യുകയും ചെയ്തു.

• Karunagappally

കുടുംബശ്രീ ജില്ലാ മിഷൻ മാർക്കറ്റിങ് കിയോസ്ക്ക് ഉദ്ഘാടനം 

2023 -24 സാമ്പത്തിക വർഷത്തിൽ ജില്ലയിൽ 5 മാർക്കറ്റിംഗ് കിയോസ്ക് ആണ്  അനുവദിച്ചിരുന്നത്.

 ടി സാമ്പത്തിക വർഷത്തിലെ ആദ്യ മാർക്കറ്റിംഗ് കിയോസ്ക്   ഉദ്ഘാടനം  ബഹു കരുനാഗപ്പള്ളി നഗരസഭ ചെയർമാൻ കോട്ടയിൽ രാജു നിർവഹിച്ചു.

ആദ്യ വില്പന കരുനാഗപ്പള്ളി സിഡിഎസ് ചെയർപേഴ്സൺ ശ്രീമതി ഷീബ എസ്   വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശ്രീ റെജി ഫോട്ടോ പാർക്കിന് നൽകി.ജില്ല പ്രോഗ്രാം മാനേജർ ശ്രീമതി. മീന മുരളീധരൻ പങ്കെടുത്തു.

 പ്രാരംഭ ഘട്ടത്തിൽ 6 ME യൂണിറ്റുകളുടെ ഉൽപ്പന്നങ്ങളാണ് കിയോസ്ക്കിൽ ലഭ്യമാകുന്നത്.കിയോസ്ക്കിന്റെ മേൽനോട്ടം സി ഡി എസ് 2 കുടുംബശ്രീ സംരംഭകർക്ക്  ആണ് നൽകിയിട്ടുള്ളത്.

• Perungalam, Munroethuruth

•°ഹാപ്പി കേരളം പരിശീലനം സമാപിച്ചു°•

ഹാപ്പി കേരളം ജില്ലാ തല പരിശീലനം സമാപിച്ചു. ഓരോ വ്യക്തിയുടെയും പ്രശ്നങ്ങൾ, നിലവിലുള്ള സാധ്യതകൾ, കണ്ടെത്തിയ പ്രശ്നങ്ങളുടെ പരിഹാരമാർഗങ്ങൾ, പ്രവർത്തന പ്ലാൻ തയ്യാറാക്കൽ എന്നിവ ചെയ്തുകൊണ്ട് ഓരോ കുടുംബത്തിന്റെയും സന്തോഷ സൂചിക ഉയർത്തുകയും അതിലൂടെ സന്തോഷ കേരളം സൃഷ്ടിക്കുകയും ചെയ്യുക എന്നതാണ് പദ്ധതിയുടെ ലക്ഷ്യം. വാർഡുകളിൽ ഇടങ്ങൾ സൃഷ്ടിച്ചു കൊണ്ട് റിസോഴ്‌സ്പേർസൺമാരുടെ പിന്തുണയോടെ ഓരോ ഇടങ്ങളിലും നടത്തേണ്ട പ്രവർത്തനങ്ങൾ കൃത്യമായി പ്ലാൻ ചെയ്‌തു കൊണ്ടു മുന്നോട്ടു പോകും. ഇതിനായി ഇടങ്ങളിൽ നിന്നുള്ള കുടുംബങ്ങളുടെ പങ്കാളിത്തത്തോടെ ഒരു മാതൃക ഇടത്തിന്റെ പ്രവർത്തനങ്ങൾ പ്ലാൻ ചെയ്യുവാൻ കഴിഞ്ഞു. പരിശീലനത്തിൽ പങ്കെടുത്തവരുടെ അനുഭങ്ങൾ വേറിട്ടതായിരുന്നു. ജീവിതത്തിൽ ആദ്യമായി കിട്ടിയ സ്വീകരണം ജീവിതത്തിലെ ഏറ്റവും വലിയ സന്തോഷ നിമിഷമായി കാണുന്നു എന്നതും കുടുംബാംഗങ്ങൾ ഒരുമിച്ച് ഭക്ഷണം കഴിക്കാൻ തീരുമാനം എടുക്കാൻ തീരുമാനിച്ചു എന്ന ദൃഡ നിശ്ചയം എടുത്തതും, ഇടങ്ങൾ പ്രതീക്ഷക്ക് ഒപ്പം ഉയർന്നാൽ കുടംബങ്ങളിലെ പ്രശ്നങ്ങൾ കുറയുകയും സന്തോഷം കുടുംബങ്ങളിൽ ഉണ്ടാകും എന്നുള്ള വിലയിരുത്തലുകൾ ഈ പദ്ധതിയുടെ പ്രതീക്ഷക്ക് ആക്കം കൂട്ടുന്നുണ്ട്. ജില്ലയിലെ 11 മോഡൽ സി ഡി എസ്സുകളിൽ ഒന്നാം ഘട്ടം പ്രവർത്തനങ്ങൾ നടക്കും. ' ഇടം ' രൂപീകരിക്കുന്നതിന്

ആദ്യ രണ്ടുദിനങ്ങളിലായി നേടിയ പരിശീലനാനുഭവത്തിൽ സമയബന്ധിതമായും കൃത്യമായ ആസൂത്രണത്തോടെയും റിസോഴ്സ് പേഴ്സൺമാർ ക്ലാസ് എടുക്കുകയും സന്തോഷത്തിന് വിഘടമായി നിൽക്കുന്ന കാരണങ്ങൾ, സന്തോഷസൂചിക, സന്തോഷം ലഭിക്കുന്നതിനുള്ള സാധ്യതകൾ, പദ്ധതി നടപ്പാക്കേണ്ടതിനുള്ള മൈക്രോ പ്ലാൻ എന്നിവയെ കുറിച്ച് വിശദീകരണവും നടത്തി. ജെൻഡർ എഫ് എൻ എച്ച് ഡബ്ല്യു, SISD സംസ്ഥാന പ്രോഗ്രാം ഓഫീസർ ഡോ.ശ്രീജിത്ത് ഹാപ്പി കേരളം പദ്ധതിയെക്കുറിച്ച് വിശദീകരിക്കുകയും ടി പദ്ധതിയിലൂടെ കേരളം ഒരു മാതൃക സംസ്ഥാനമാകുന്നതിൽ ആശംസിക്കുകയും ചെയ്തു. സംസ്ഥാന അസിസ്റ്റൻറ് പ്രോഗ്രാം മാനേജർ കൃഷ്ണകുമാരി, ഓ എസ് എസ് അർജുൻ പ്രതാപ് എന്നിവരും സംസാരിച്ചു. ജില്ലാ റിസോഴ്സ് പേഴ്സൺ ജയശ്രീ നന്ദി അറിയിച്ചു. സംസ്ഥാന റിസോഴ്സ് പേഴ്സൺ ബൈജു പരിപാടി വിലയിരുത്തി അഭിനന്ദനങ്ങളും നിർദ്ദേശങ്ങളും നൽകി. ജെൻഡർ എഫ് എൻ എച്ച് ഡബ്ല്യു ബീന ആർ തുടർ പ്രവർത്തനങ്ങളെക്കുറിച്ച് സംസാരിച്ചു. ജില്ല റിസോഴ്സ് പേഴ്സൺ ഗോപകുമാറിന്റെ വാക്കുകളോടുകൂടി പരിപാടി അവസാനിക്കുകയും ചെയ്തു.

• Perungalam, Munroethuruth

കേരളത്തിൻ്റെ സന്തോഷ സൂചിക കൂട്ടുന്നതിനായുള്ള ഹാപ്പി കേരളം പദ്ധതിയുടെ ഭാഗമായ ഹാപ്പിനസ് സെൻ്ററുകൾ രൂപികരിക്കുന്നതിനുള്ള ജില്ലാ തല ത്രിദിന പരിശീലനം ആരംഭിച്ചു.

കൊല്ലം ജില്ലാ മിഷൻ കോ ഓഡിനേറ്റർ വിമൽ ചന്ദ്രൻ ആർ ഉദ്ഘാടനം നടത്തി. അസിസ്റ്റൻ്റ് ജില്ലാ മിഷൻ കോ ഓർഡിനേറ്റ്റർ രതീഷ് ആർ അധ്യക്ഷത വഹിച്ചു. ജെൻഡർ F N H W ജില്ലാ പ്രോഗ്രാം മാനേജർ ബീന ആർ സ്വാഗതം പറഞ്ഞു. സംസ്ഥാന റിസോഴ്‌സ് പേർസൻമാരായ ഗോപകുമാർ, ജയശ്രീ എന്നിവർ സംസാരിച്ചു. സംസ്ഥാനതല പരിശീലനം ലഭിച്ച 10 റിസോഴ്സ് പേഴ്സൺമാർ പരിശീലനത്തിന് നേതൃത്വം നൽകി. കുളക്കട, പോരുവഴി, കടക്കൽ, ചാത്തന്നൂർ,ചവറ, എന്നീ സി ഡി എസുകളിൽ നിന്നും വിവിധ വിഷയങ്ങളിൽ പ്രഗത്ഭരായവർ ജില്ലാതല പരിശീലനത്തിൽ പങ്കാളികളായി. 

ഓരോ വാർഡിലും 20 മുതൽ 30 കുടുംബങ്ങൾ ഉൾപ്പെടുന്ന ഇടങ്ങളിലാണ് ഹാപ്പി കേരളം പദ്ധതിയുടെ പ്രവർത്തനങ്ങൾ പ്രധാനമായും നടക്കുന്നത്. ഓരോ കുടുംബത്തിന്റെയും ആവശ്യങ്ങൾ മനസിലാക്കുകയും നിലവിലുള്ള സാധ്യതകളെ തിരിച്ചരിച്ചറിഞ്ഞുകൊണ്ട് പരിഹാരമാർഗങ്ങൾ ഇടങ്ങളിൽ രൂപപ്പെടുന്നു. ഇത്തരത്തിൽ മൈക്രോപ്ലാൻ തയ്യാറാക്കിയാണ് ഇടങ്ങൾ പ്രവർത്തനസജ്ജമാകുന്നത്. ഈ പ്രവർത്തനങ്ങളിലൂടെ കേരളത്തിലെ സന്തോഷ സൂചിക ഉയർത്തുക എന്നതാണ് ഇതിലൂടെ ലക്ഷ്യമിടുന്നത്.

• Anchal

*ബാങ്കുകൾ നയം രുപികരിക്കുന്നത് സാധാരണക്കാരനെ കൂടി പരിഗണിച്ചു കൊണ്ട് ആവണം*

- എസ്സ് ജയമോഹൻ

കുടുംബശ്രീ ജില്ലാമിഷൻ, കൊല്ലം- ഫിനാൻഷ്യൽ ഇൻക്ലൂഷൻ - ബാങ്ക് മാനേജർമാർക്കുള്ള അഞ്ചൽ മേഖല പരിശീലനം നടന്നു.

 കുടുംബശ്രീയുടെ വിവിധ പദ്ധതികളുടെയും പ്രവർത്തനങ്ങളുടെയും അവബോധം ജില്ലയിലെ എല്ലാ ബാങ്ക് മാനേജർമാർക്കും നൽകുന്നതിനായി കുടുംബശ്രീ ഫിനാൻഷ്യൽ ഇന്ക്ലൂഷന്റെ ഭാഗമായി 2024 നവംബർ 7നു അഞ്ചൽ ഹോട്ടൽ ഉത്തം മഹലിൽ വച്ചു കുടുംബശ്രീ അഞ്ചൽ , ചടയമംഗലം ബ്ലോക്കുകളിലെയും, പുനലൂർ മുനിസിപ്പാലിറ്റി അർബൻ സി. ഡി. എസിലും ഉൾപ്പെട്ട എല്ലാ ബാങ്ക് മാനേജർമാർക്കുള്ള പരിശീലനം സംഘടിപ്പിച്ചു. . *കേരള സ്റ്റേറ്റ് കാഷ്യു ഡെവലപ്പ്മെന്റ് കോർപറേഷൻ ചെയർമാൻ ശ്രീ. എസ്സ്. ജയമോഹൻ* ഉദ്ഘാടനം നിർവ്വഹിച്ചു. കുടുംബശ്രീയും ബാങ്കുകളും തമ്മിൽ പരസ്പര സഹകരണം വർദ്ധിപ്പക്കണം എന്നും സംരംഭത്തിൽ ഊന്നി കുടുംബശ്രീ പ്രവർത്തനം മെച്ചപ്പെടുത്തണം എന്നും അദ്ദേഹം അഭിപ്രായപ്പെട്ടു 

പരിശീലനത്തിൽ പബ്ലിക്, പ്രൈവറ്റ് സെക്ടർ, ഷെഡ്യൂൾഡ്& കോ-ഓപ്പറേറ്റീവ് സെക്ടറിലെയും 80ബാങ്ക് മാനേജർമാർ പങ്കെടുത്തു. കുടുബശ്രീ ജില്ലാമിഷൻ കോ ഓർഡിനേറ്റർ ശ്രീ. ആർ വിമൽ ചന്ദ്രൻ പദ്ധതി വിശദീകരണം നടത്തി. അസിസ്റ്റന്റ് ജില്ലാമിഷൻ കോ ഓർഡിനേറ്റർ ശ്രീ. രതീഷ് കുമാർ. ആർ സ്വാഗതം ആശംസിച്ചു. അഞ്ചൽ സിഡിഎസ്സ് ചെയർപേഴ്സൺ ശ്രീമതി. സിന്ധു അനിമോൻ ആശംസ രേഖപെടുത്തി...അഞ്ചൽ സോണൽ പരിധിയിലെ എല്ലാ ചെയർപേഴ്സമാരും, അക്കൗണ്ടന്റ്മാരും, ജില്ലാ മിഷൻ സ്റ്റാഫുകളും പങ്കെടുത്തു.80ബാങ്ക് മാനേജർമാർ അടക്കം 116 പേർ പങ്കെടുത്തു.പരിശീലനയോഗത്തിന് ജില്ലാ പ്രോഗ്രാം മാനേജർ ഡിപിഎം ജെൻസി ജോൺ കൃതജ്ഞത രേഖപെടുത്തി..

ഇതോടൊപ്പം കുടുംബശ്രീ ജില്ലാമിഷന്റെ നേതൃത്വത്തിൽ മാർക്കറ്റിങ്ങിന്റെ ഓഫീസ് വിപണന മേള സംഘടിപ്പിച്ചു..

• ATMA Hall, Collectorate, Kollam

District Level PIA Meeting was held, followed by CRP Meeting 

• ATMA Hall, Collectorate, Kollam

കാസിനു ഇരുപതു വയസ്സ് ആകുന്നു

2004 നവംബർ രണ്ടാം തീയതി കാസ്സ് കോഴിക്കോട് ജില്ലയിൽ പൈലറ്റ് അടിസ്ഥാനത്തിൽ രൂപീകൃതമായി. 2006 ൽ കണക്കു ചിട്ടപ്പെടുത്തലിന്റെ ഭാഗമായി വാഫ് എന്ന പേരിൽ ഓരോ ജില്ലയിൽ രൂപീകരിക്കുകയും, തുടർന്ന് 2007- 2008 സാമ്പത്തിക വർഷത്തോടുകൂടി മറ്റ് 13 ജില്ലകളിലും KAASS രൂപീകരിക്കുകയുണ്ടായി. കുടുംബശ്രീയിൽ പ്രവർത്തിക്കുന്ന അംഗങ്ങളോ അവരുടെ കുടുംബാംഗളോ ആയിരുന്നു KAASS അംഗങ്ങൾ. എല്ലാ ജില്ലയിലുമായി 334 അംഗങ്ങൾ ആണ് പ്രവർത്തിച്ചിരുന്നത്. ആദ്യ കാലഘട്ടങ്ങളിൽ അയൽക്കൂട്ടങ്ങൾ ഓഡിറ്റിന് വിമുഖതകാണിച്ചിരുന്നു. സാവധാനം അവർ ഓഡിറ്റ് പ്രാധാന്യം മനസ്സിലാക്കുകയും ക്രമേണ ഓഡിറ്റ് പങ്കാളിത്തം വർധിക്കുകയും ഉണ്ടായി.

2014 ൽ കൊല്ലം ജില്ലക്ക് സ്വന്തമായി ഓഫീസ് കുണ്ടറയിൽ പ്രവർത്തനം ആരംഭിച്ചു.2016ൽ സ്റ്റേറ്റ് കോർഡിനേഷൻ കമ്മിറ്റി രൂപം കൊണ്ടു. എല്ലാ ജില്ലയിലെയും ഭാരവാഹികൾ ആണ് സംസ്ഥാന കോർഡിനേഷൻ കമ്മിറ്റിയിൽ അംഗങ്ങളാവുന്നത്. എല്ലാ ജില്ലയുടെ പ്രവർത്തനങ്ങളെ ഏകോപിപ്പിച്ചും,വാർഷിക പ്ലാൻ, കലാകാലങ്ങളിൽ വേണ്ട മാറ്റങ്ങൾ കോർഡിനേഷൻ കമ്മിറ്റി ചർച്ച ചെയ്തു ആവശ്യമായ പ്രൊപോസൽസ് സ്റ്റേറ്റ് മിഷനും നൽകുന്നുണ്ട്.

നിലവിൽ 347 അംഗങ്ങൾ സംസ്ഥാനത്തു പ്രവർത്തിക്കുന്നു.

കൊല്ലം ജില്ലയിൽ 30 പേരാണ് ഇപ്പോൾ പ്രവർത്തിക്കുന്നത്.

കാസിന്റെ ഇരുപതാം വാർഷിക ആഘോഷം കൊല്ലം ആത്മാ ഹാളിൽ കൊല്ലം കുടുംബശ്രീ ഡി എം സി ശ്രീ. വിമൽ ചന്ദ്രൻ ഉദ്ഘാടനം ചെയ്തു

• Kollam Corporation

മാലിന്യമുക്തം നവകേരളം ജനകീയ ക്യാമ്പയിന്റെ ഭാഗമായി കൊല്ലം കോർപറേഷൻ പരിധിയിലെ ഹരിത സ്ഥാപനങ്ങൾ, ഹരിത വിദ്യാലയം, ഹരിത കലാലയങ്ങൾ, ഹരിത അയൽക്കൂട്ടങ്ങൾ, ഹരിത അംഗനവാടികൾ എന്നിവയുടെ പ്രഖ്യാപനം ശ്രീമതി പ്രസന്നാ എർണസ്റ്റിന്റെ അധ്യക്ഷതയിൽ കൂടിയ യോഗത്തിൽ ബഹു. ധനകാര്യ വകുപ്പ് മന്ത്രി ശ്രീ കെ. എൻ. ബാലഗോപാൽ നിർവഹിച്ചു.

ഡെപ്യൂട്ടി മേയർ ശ്രീ. കൊല്ലം മധു, സെക്രട്ടറി ശ്രീ. സാജു.ഡി, വിവിധ സ്റ്റാന്റിങ് കമ്മിറ്റി ചെയർമാൻമാർ, കൗൺസിലർമാർ, ഉദ്യോഗസ്ഥർ എന്നിവർ പങ്കെടുത്തു.